Кыргыз Республикасынын Юстиция министрлигине караштуу Пробация департаментинин бош административдик мамлекеттик жарандык кызмат орундарына сынактык тандоо уланууда.

2019-жылдын 25-декабрында Кыргыз Республикасынын Юстиция министрлигинде Кыргыз Республикасынын Юстиция министрлигине караштуу Пробация департаментинин бош административдик мамлекеттик жарандык кызмат орундарын ээлөөгө талапкерлерди тандоо боюнча кезектеги сынак өткөрүлдү.

Ноябрь айында пробация бөлүмүнө бош орундарды ээлөөгө 485 арыз түшкөн.

Мамлекеттик кадр кызматына тестирлөөгө 262 талапкер келсе, анын ичинен 162 талапкер тесттен ийгиликтүү өттү. Бүгүнкү күндө 21 талапкер экинчи квалификациялык турдан ийгиликтүү өттү.