Юридикалык жардам кызматынын борбордук аппаратынын кызматчыларына жана райондук координаторлоруна "Башпаанек, жарандык жана жарансыздык чөйрөсүндөгү улуттук жана эл аралык мыйзамдар" темасындагы бир күндүк семинар өткөрүлдү

Кыргыз Республикасынын юстиция министрлигине караштуу Юридикалык жардам кызматынын борбордук аппаратынын кызматчыларына жана райондук координаторлоруна "Башпаанек, жарандык жана жарансыздык чөйрөсүндөгү улуттук жана эл аралык мыйзамдар" темасындагы бир күндүк семинар өткөрүлдү. Семинарда башпаанек жаатындагы эл аралык укук жана улуттук мыйзамдар, Кыргыз Республикасында башпаанек издеген адамдардын жана качкындардын укуктары жана милдеттери, Кыргыз Республикасында качкын статусун берүү жөнүндө өтүнүчтү кароо тартиби жана  Кыргыз Республикасында баш калкалоо жөнүндө өтүнүчтү укуктук баалоо жол-жоболору, жарандыгы жок адамдардын  укуктук маселелери боюнча улуттук мыйзамдар талкууланды.