Япониядан келген делегация Кыргыз Республикасынын Юстиция министрлигине караштуу мекемелердин иш тажрыйбасы менен таанышты.

Кыргыз Республикасынын Юстиция министрлиги менен Япониянын Юстиция министрлигинин укук жана адилеттикти камсыздоо тармагындагы кызматташтык тууралуу Меморандумун ишке ашыруунун алкагында, Япониядан келген делегация 2024-жылдын 12-декабрынан 18-декабрына чейин Кыргыз Республикасында болду.

  Визит учурунда япон тараптын өкүлдөрү Кыргыз Республикасынын Юстиция министрлигине караштуу уюмдардын ишмердүүлүгү менен таанышып, эки тараптуу кызматташуунун келечегин талкуулашты.

   Делегация төмөнкү мекемелерге барышты:

- Жазаларды аткаруу кызматынын мекемелери;
- Кайтаруу жана конвой кызматы;
- Пробация департаменти;
- Соттук-эксперттик кызмат;
- Ченем жаратуу жана мыйзамдын үстөмдүгү институту;
- Юридикалык жардам кызматы.

  Өзгөчө көңүл Ысык-Көл облусундагы жазаларды аткаруу системасынын мекемелерине бурулду.

  Коноктор Кыргызстанда пенитенциардык системаны уюштуруу, соттолгондорду реабилитациялоо иш-чараларын өткөрүү, ошондой эле кызматкерлердин социалдык жана укуктук коргоосун камсыздоо боюнча тажрыйбаны изилдешти.