Өзгөчө адамдардын сот адилеттигине жетүү үчүн бирдей укуктар!

Бүгүн, 26 - февраль 2025-жылы Кыргыз Республикасынын Юстиция министрлигине караштуу Юридикалык жардам кызматы БУУӨП менен биргеликте МКЮЖ системасынын координаторлору жана адвокаттары үчүн «Зомбулукка кабылган майып аялдар менен кыздардын сот адилеттигине жетүү мүмкүнчүлүгү» темасында тренинг өткөрдү.

Кыргыз Республикасынын Жогорку сотуна караштуу Укук жогорку мектебинин тренерлери Мусабекова Ч.А. жана Бекишова м. Т. майыптыгы бар аялдарга/кыздарга карата зомбулукка каршы күрөшүүгө тиешелүү маселелер, сот адилеттигине жеткиликтүүлүктү жакшыртууга өбөлгө түзүүчү бардык жолдор жана ыкмалар боюнча, ошондой эле укуктук системадагы көйгөйлөр жөнүндө айтып беришти.

Мындан тышкары, катышуучулар укук коргоо тармагында билим деңгээлин жогорулатуу, майыптыгы бар аялдар менен кыздардын юридикалык жардам алуу маселелерин талкуулашты.

Жыйынтыгында угуучулар сертификаттарды жана маалыматтык материалдарды алышты.