Жалал-Абад облусунун Сузак жана Базар-Коргон райондорундагы координациялык кеңешмелер өттү

🔹10- март күнү Жалал-Абад облусунун Сузак жана Базар-Коргон райондорунда акысыз юридикалык жардам көрсөтүү системасынын ишин жакшыртууга арналган координациялык кеңешме болуп өттү.
Иш-чарада мамлекеттик органдардын жана жергиликтүү бийликтин өкүлдөрү чогулуп, юридикалык жардам көрсөтүүнүн ыңгайлуулугун жана натыйжалуулугун жогорулатуунун жолдорун талкуулашты.
Жолугушуунун негизги темалары:
◾️ Юридикалык жардам кызматы тарабынан иштелип чыккан консультациялардын жаңы электрондук системасы (КМБС), ал жарандарга жардам көрсөтүүнү жеңилдетет.
◾️Мамлекеттик органдар жана жергиликтүү бийлик органдары бул системаны өз иштеринде кантип колдонушу.
Жолугушуунун жыйынтыгында катышуучулар системаны кантип колдонуу боюнча деталдуу көрсөтмөлөрдү алышты жана мамлекеттик органдар менен жергиликтүү бийлик органдарынын укуктук жардам көрсөтүү чөйрөсүндө өз ара аракеттенүүсүн жакшыртуу жолдорун талкуулашты.