Коррупцияга каршы жалпы аракет!

2025-жылдын 29-январында Кыргыз Республикасынын юстиция министрлигине караштуу Юридикалык жардам кызматынын Борбордук аппаратында коррупцияны алдын алуу боюнча жыйын өттү.
Иш-чарага Юридикалык жардам кызматынын төрагасы А.С. Калбеков, Юстиция министрлигинин коррупциянын алдын алуу маселелери боюнча ыйгарым укуктуу өкүлү Г. Азимжанова, ошондой эле Юридикалык жардам кызматынын региондор аралык башкармалыктарынын кызматчылары катышты.

Иш-чара Юридикалык жардам кызматында коррупциялык тобокелдиктерди алдын алуу жана мамлекеттик кызматтын кызыкчылыктарына каршы кылмыштар үчүн жоопкерчиликти күчөтүү боюнча мамлекеттик саясаттын алкагында кабыл алынган жаңы мыйзамдын жоболорун түшүндүрүүгө багытталды.

Коррупцияга каршы күрөш — пландуу жана үзгүлтүксүз процесс, ал мамлекеттик кызматтын тазалыгын жана адилеттүүлүгүн камсыз кылуунун негизги элементи болуп саналат жана бул ар бирибиздин колубузда.